ആദൂർ മഹാത്മ ലോവർ പ്രൈമറി സ്കൂളിലെ ലോകകപ്പ് ആരവം 2026 സംഘടിപ്പിച്ചു. സന്തോഷ് ട്രോഫി താരവും കേരള പോലീസ് ടീം അംഗവുമായ ശ്രീരാഗ് അമ്പാടി ഉദ്ഘാടനം ചെയ്തു.
ഫുട്ബോൾ കളിയെ കുറിച്ചും കളിക്കാരെ കുറിച്ചും അദ്ദേഹം വിദ്യാർത്ഥികളുമായി സംവദിച്ചു.
അഞ്ച് തവണ സന്തോഷ് ട്രോഫി കളിച്ച ശ്രീരാഗ് അമ്പാടിയെ മുൻ പ്രധാനധ്യാപിക ഗീത പൊന്നാട അണിയിച്ച് ആദരിച്ചു.
കുട്ടികൾക്കും രക്ഷിതാക്കൾക്കും ഷൂട്ട് ഔട്ട്, പ്രവചന മത്സരങ്ങൾ നടത്തി. വാർഡ് മെമ്പർ കുമാരി മുരളി, പി.ടി.എ പ്രസിഡന്റ് വിന്യ ജയൻ, വൈസ് പ്രസിഡന്റ് നാസിമ സെക്കീർ, പ്രധാനധ്യാപിക ദീപ്തി,അധ്യാപകൻ പി.എ അക്ബർ ഫൈസൽ സംസാരിച്ചു.
